Microsite es: . Grupo:
You are here

10alamenos9 [ 2018 ]

Ostirala, Martxoak 23, 2018 (Egun osoa) to Igandea, Maiatzak 06, 2018 (Egun osoa)

NanoGUNEk Nanozientziako eta Nanoteknologiako Jaialdi Nazionala koordinatuko du Gipuzkoan, ondoz ondoko hirugarren urtez:10ALAMENOS9. Aurten Bergarako udalarekin lankidetzan Laboratorium Museoan antolatuko dira ekintza desberdinak. Orotara, jaialdia martxoan eta apirilean egingo da hainbat hiritan: Zaragoza, Madril, Valentzia, Bartzelona eta Bergara.

Dibulgazio zientifikoko ekitaldi honek nanozientzia eta nanoteknologia gizartera hurbiltzea du helburu, adina eta jakintza alde batera utzita. Bisitaria era atsegin eta zirraragarrian sartuko da nanomundu harrigarrian; hau da, txikitasunaren munduan, metro baten mila milioiren baten munduan (10-9, 10 ber minus 9) munduan. Tamaina hori atomoena eta molekulena baino zertxobait handiagoa da, gure DNAren tamaina da.

PROGRAMA

Erakusketa: IBILALDI BAT NANOMUNDUAN BARRENA
2018.03.23 - 2018.05.06- Bergarako Laboratorium Museoan
Erakusketa aretoaren ordutegiak: Asteazkena eta ostegunetan 10:00-14:00; Ostiraletan eta larunbatetan 10:00-14:00/16:00-19:00;Igandeetan 10:00-13:00
Bisita gidatuak : Martxoak 23- 18:30tan; Martxoak 30 -17:00tan; ​Martxoak 31-17:00tan; Apirilak 6-18:00tan; Apirilak 13-18:00tan; Apirilak 15 -11:30tan; Apirilak 28 -17:00tan eta Maiatzak 5 -17:00tan.

Erakusketa honetan nanozientzia eta nanoteknologiako egileak, lanak eta tresnak aurkezten dira. Erakusketara joaten direnek hainbat nanoobjekturen irudiak ikusiz gozatu ahalko dute. Irudi horiek «nanomunduaren begi» bihurtu diren instrumentu harrigarriek hartu dituzte. Horrez gain, arlo honetan erabiltzen diren tresnetako batzuk eta eguneroko benetako ikerketa-produktuak eta -objektuak ikusteko aukera ere izango dute.

Eskolako-tailerra:LABORATEGITIK SUPERMERKATURA
2018.04.09 – 2018.04.13
Bergarako Laboratorium Museoan

Nanoteknologiaren eta nanozientziaren hastapenak bideratzea da tailer honen helburua. Nanoteknologiaren oinarri zientifikotik abiatuko da, eta ondoren ikerketa aplikatuko kasu errealak ezagutu ahal izango dira. Amaitzeko, gugandik gertu egiten diren ikerketak eta horiek gizartean dituzten aplikazioak ezagutuko dira. Tailerra 2 ordukoa izango da; 20/30 ikaslerentzako gazteleraz eta euskaraz eta aldez aurretik hitzartuko da ikasketa zentroekin.

Hitzaldia: NANOELEKTRONIKATIK, PROTEINEN BERPIZTERA
2018.04.12- 19:00tan.
Bergarako Laboratorium Museoan

CIC nanoGUNEko bi ikerlarik nanomundura gerturatuko gaituzte. Edurne Sagastak “Mikroelektronikatik nanoelektronikara: Gailu txikien iraultza” hitzaldia emango du eta Nerea Barruetabeñak “Antzinako proteinak berpizten" izenburupean arituko da.

x
Cookie-ak erabiltzen ditugu gure zerbitzuak eta nabigazio esperientzia hobetzeko.
Nabigatzen jarraitzen baduzu, ulertuko dugu horien erabilera onartzen duzula. Zure baimena atzera bota edo informazio gehiago nahi baduzu, kontsultatu gure Cookie Politika.