Microsite es: . Grupo:
You are here

Graphenea

Graphenea

Graphenea, nanoGUNEren lehen start-up enpresa, 2010eko apirilean sortu genuen, zenbait inbertsore pribaturen eta nanoGUNEren artean. Enpresa hau kalitate handiko grafeno-xaflak ekoizteko eta grafenoan oinarrituriko teknologiak garatzeko helburuarekin sortu zen.

Enpresa martxan jarrita, hari aholku zientifikoa ematen jarraitu dugu, haren eta nanoGUNEko ikertzaileen arteko elkarlana sendotu da eta nanoGUNEko azpiegituraz baliatu da. Grafenoa, isolatutako grafito geruza atomiko bat, propietate elektroniko eta mekaniko paregabeak ditu, eta horregatik, azken urteetan merkatura iritsi diren materialen artean etorkizun oparoena grafenoak izango duela dirudi.

2009ko azaroan, 9. Manuel Laborde Werlinden sariaren epaimahaiaren aipamen berezia jaso zuen nanoGUNEko zuzendari Jose M. Pitarkek grafenoaren inguruan abiarazitako enpresa-ekimena dela eta.

2012ko urtarrilean, Graphenea Europako Batzordearen Graphene Flagship proiektuaren kide bilakatu zen, partzuergoaren grafeno-hornitzaile nagusi delarik.

2013ko abenduan, Repsol petrolio-enpresa eta Espainiako Industria-Teknologiaren Garapenerako Zentroa Graphenearen akziodun bilakatu ziren. Honen ondorioz, milioi bat euro inbertitu ziren Graphenea-ren kapital sozialean, INNVIERTE programaren energia berrien sailaren baitan. Inbertsio honek Graphenearen baliabide teknologikoak indartu zituen, enpresa handitzen lagundu zuen eta, hazten ari den grafenoaren produkzioaren sektorearen baitan, Grapheneak lidergo internazionalari eustea ahalbidetu zuen. 

2015eko apirilean, Graphenearen akziodun izateari utzi zion nanoGUNEk. 

Informazio gehiago: www.graphenea.com

x
Cookie-ak erabiltzen ditugu gure zerbitzuak eta nabigazio esperientzia hobetzeko.
Nabigatzen jarraitzen baduzu, ulertuko dugu horien erabilera onartzen duzula. Zure baimena atzera bota edo informazio gehiago nahi baduzu, kontsultatu gure Cookie Politika.