Related news by tag Nanomagnetism

NanoGUNE bekak: master ikasleentzako deialdia zabaldu da

Bekak 3.000€koak dira proiektuak irauten duen epe osorako eta ezin dira helburu berbera duten beste laguntzekin bateragarriak. Interesa duten ikasleek aipatutako master titulazioetan izen emanda eta onartuak egon beharko dute laguntzak jasotzeko. Hautagaiek, esteka hau jarraituz proiektuaren eta bekak eskatzeko prozesuaren inguruko informazio guztia topatuko dute.

Bekez gain, beste titulazio ofizialetako master ikasleek ere nanoGUNEko ikerketa taldeen baitan master tesia egiteko aukera dute.

Piero Brovetto 2015 saria eman diote Nicolò Maccaferriri

Hainbat arlotan, hala nola Materia Kondentsatuaren Fisikan, Fisika Nuklearrean eta Fisika Teorikoan, ekarpen handiak egiteagatik urtean behin ikertzaile gazteei ematen zaizkien sarietako bat eman diote ikertzaileari. Nicolò Maccaferriren iritziz, “ohore handia da, zinez, sari hau jasotzea, aintzat hartzen baitu nanoegitura magnetiko plasmonikoetako efektu berrien aurkikuntzan, bai efektu-mota horien mekanismoaren bai material horiek eguneroko bizitzan aplikatzeko moduaren aurkikuntzan, egin dudan ahalegin guztia”.

“Eskerrak ematen dizkiot nire familiari, beti izan baitut bidelagun. Bereziki, eskerrak eman nahi dizkiot Paolo Vavassoriri, bai nire lana gainbegiratzea onartu zuelako, bai nanoGUNEn egunero egiten dugun ikerketa-lan bikainean laguntzaile eta gidari dudalako. Halaber, eskerrak ematen dizkiet nanoGUNEko zein kanpoko lankide eta kolaboratzaile guztiei. Azkenik, eskerrik asko Andreas Berger eta Txema Pitarke, nanoGUNEn lan egiteko aukera eman baitidazue, eta Eusko Jaurlaritzari nire doktoretza-beka diruz laguntzeagatik", adierazi du Maccaferrik. Hain zuzen ere, ikertzaileak doktoretzaren azken urtea hasi berri du nanoGUNEn, eta interes handiz hartuko ditu magnetismoaren eta optikaren mugan kokatzen den ikerketa-eremu interesgarri horretan sortuko zaizkion erronka berriak.

Piero Brovetto saria

Piero Brovetto (1926-2013) irakaslearen ohoretan antolatzen da saria, eta urtean behin ematen diote Materia Kondentsatuaren Fisikan ekarpen garrantzitsuak egin dituen italiar ikertzaile bati. Brovetto irakaslearen familiak finantzatzen du saria (1.500 €-koa), eta Italiako Fisikako Elkartearen (SIF) Biltzar Nazionalaren hasierako ekitaldian ematen dute. Elkartearen Kontseiluak edo sarietako hautaketa-batzordeak du sariduna hautatzeko ardura.

Piero Brovetto irakaslea (1926-2013) Torinon jaio zen, eta Kimikan lizentziatu zen 1951n eta Fisikan 1952an, Torinoko Unibertsitatean. Bere ibilbide profesionalaren hasieran, Oberhauser efektua, izpi kosmikoak eta paritate-urraketa ikertu zituen batez ere, Fisika Nuklearraren Italiar Institutuko (INFN) ikertzaile gisa. Bestalde, Ikerketaren Italiar Kontseiluaren (CNR) eta FIATen diru-laguntza lortu zuen lehenengo azeleragailu nuklearretako bat Italian eraikitzeko. Ondoren, hainbat arlotan jardun zuen ikertzen, bereziki espektroskopia molekularraren eremuan. 1962an, Cagliari Unibertsitatean irakasle titular izendatu zuten, eta, han, Materia Kondentsatuaren Fisikan jardun zuen, batik bat, lumineszentziaren eta supereroankortasunaren fenomenoak aztertzen. Bere lan-ibilbide osoan, ekarpen handiak egin ditu hainbat teknikaren garapenean, hala nola espektroskopia deribatuan eta termolumineszentzia espektralean.

Udako Praktika Programa: Deialdia zabalik otsailaren 5-a arte

NanoGUNEk Udako Praktika Programan parte hartzeko urteroko deialdia zabaldu berri du.

Aurten, 13 proiektu eskaintzen ditugu 3. eta 4. mailako Fisikako, Kimikako, Biologiako, Ingeniaritzako eta Matematiketako unibertsitateko ikasleei. Programa honen bidez, udan hilabete eta erdiz edo bi hilabetez, puntako ikerketa zentro bateko jarduera bertatik bertara ezagutzeko aukera ematen zaie. Izan ere, unibertsitateko ikasleak nanoGUNEko ikertzaileekin batera aritzen dira ikerketa-proiektuetan, hala nola nanomagnetismoaren, automihiztaduraren, nanobiomekanikaren, nanogailuen, nanomaterialen, nanoirudiaren edo nanoingeniaritzaren arloetan, besteak beste.

Proiektuei, ordutegiei, ordainsariari eta abar-i buruzko informazioa ondorengo helbidean aurkitu daiteke: https://www.nanogune.eu/eus/udako-praktikaldiak

Hautaketa prozesuan parte hartzeko interesa dutenek mezu elektroniko bat bidali behar dute, otsailaren 5erako, webgunean agertzen den helbidera, beren espediente akademikoarekin eta curriculum vitaearekin. Hautatzen diren ikasleei otsailaren 17 edo 24ean egingo zaie elkarrizketa.

UPV/EHUko, Tecnuneko, UABko eta UBko ikasleek udako praktikak CIC nanoGUNEn egingo dituzte

Asteartean, ekainak 19an, uda honetan CIC nanoGUNEn praktikak egingo dituzten ikasleei ongietorria eman diegu. Jose M. Pitarke, zentroko zuzendariak, nanoGUNEren ibildideari buruz emandako hitzaldian ikasleen proiektuak zuzenduko dituzten ikertzaileak ere egon ziren.

Praktiketako ikasleak nanoGUNEn
11 ikasleak unibertsitate ezberdinetatik datoz, horien artean, Euskal Herriko Unibertsitatea (UPV/EHU), Tecnun, Bartselonako Unibertsitatea (UB) eta Bartselonako Unibertsitate Autonomoa  (UAB). NanoGUNEk eskaintzen duen esperientzia honek ikerketa lana zertan datzan gertutik ezagutzeko aukera ematen die eta, horrekin, etorkizunean jarraituko duten ibilbide profesionalaren inguruko erabakiak hartzen laguntzea ere badu helburu.

Ikasleak nanoGUNEko ikerketa talde desberdinetan arituko dira lanean, nanooptika, nanogailu eta nanomagnetismo taldeetan besteak beste. Bi hilabete hauetan proiektu bat egingo dute taldeko ikertzaile baten gidaritzapean.

Zenbaitek hilabete hasieran praktikak hasi zituzten eta taldeko lanean sartuta daude erabat. "Egia esan, bat-batean hasi ginen, lehen egunean bertan laborategira eraman ninduten", dio Amaia Ochandorena, UPV/EHUko Biokimika eta Biologia Molekularreko ikasleak.

Ikasle guztiek CIC nanoGUNE ezagutzen zuten aldez aurretik eta azpimarratu zuten "ikerketa-zentro garrantzitsu bat dela" eta "gai interesgarriekin lan egiten duela".

Ikasle hauentzat, eta gradu ikasleentzat oro har, nanoGUNEk zentroarekin harremana izateko aukera ematen die Gradu Amaierako Lana  edo Master Amaierako Lana eginez, azken honetarako urtero beka deialdi bat ere egiten duelarik.

Unibertsitateko ikasleek udako praktikak egiteko deialdi berria egin du CIC nanoGUNEk

Programa horri esker, Fisikako, Kimikako, Biologiako eta Ingeniaritzako 3. eta 4. mailako unibertsitateko hamar ikasleri hilabete eta erdiko edo bi hilabeteko praktikaldia egiteko aukera emango die nanozientzian espezializatutako euskal zentroak. Unibertsitateko ikasleak nanoGUNEko ikertzaileekin batera arituko dira ikerketa-proiektuetan, hala nola elektroi/spin fenomenoak eta magnetismoa, nanoeskalako optika, nanoeskalako materialak eta nanobioingeniaritza arloetan.

Interesdunek otsailaren 16a baino lehen nanoGUNEren webgunean egin beharko dute Udako Praktika Programan parte hartzeko eskaera. NanoGUNEren webgunean (www.nanogune.eu) aurkitu dezakete ikasleek deialdiari buruzko informazio xehea.

Overriding Universality via nano-scale Materials Design

Phase transitions and critical behavior are among the most fascinating phenomena in nature and their exploration inspired the development of many branches of modern science. An excellent example is spontaneous symmetry breaking, which takes place at a critical temperature TC that divides two macroscopic phases distinguished by an order parameter, for which the ferromagnetic-to-paramagnetic phase transition is the most emblematic example.

Subscribe to