Gizartea albisteak

CIC nanoGUNE-k hirugarren aldiz jarraian eskuratu du Maria de Maeztu Bikaintasun Unitatea saria, Valentziako Unibertsitate Politeknikoko Kubo Urdinaren Auditorioan egindako jarduera instituzional batean; Zientzia, Berrikuntza eta Unibertsitate Ministerioak antolatu du ekitaldia, 2025eko ekitaldian saritutako ikerketa-zentro eta -unitateak aintzatesteko. nanoGUNE ordezkatuz izan ziren han José María Pitarke zuzendari nagusia eta Luis Hueso ikertzaile nagusia, zeinak zentroa nanozientziaren eta nanoteknologiaren nazioarteko erreferente gisa aintzatesten duen saria jaso baitu.

Hogeita hamalau euskal erakunde elkartu dira Emakumeak Zientzian programaren 10. edizioan, indar kolektiboaren balioa nabarmenduko duen jarduera-programa zabal bat antolatzeko. “Marea bizia gara” egitasmoa proiektua ulertzeko modu bat da, bai eta egiten jarraitu nahi den bidea ulertzeko modu bat ere.Zabalik dago jardueretan izena emateko epea www.emakumeakzientzian.eus atarian.

Donostiak ibilbide zientifiko-teknologikoa du gaurtik aurrera, eta oinez edo modu birtualean egin daiteke. Zientzia eta teknologia kuantikoetan euskal lidergo zientifikoa ikusarazten eta aitortzen duen dibulgazio-ekimena da, Eusko Jaurlaritzak bultzatua eta CIC nanoGUNEren parte hartzea izan duena beste sei zentrorekin batera. 

Sofia Ferreira Teixeira ikertzailea Inspira Gazteak 2025 Sariarekin saritu dute atzo Tolosako TOPICen egindako ekitaldian. Kutxa Fundazioak ematen duen sari honek Gipuzkoako gazte talentudun eta konprometituak aitortzen ditu, gizarte bidezkoago, sortzaileago eta iraunkorrago bat eraikitzen laguntzen duten pertsonak nabarmenduz.

Festa-giroan hasi da Emakumeak Zientzianen 9. edizioa. Ekintza txiki bakoitzak zientziaren berdintasunaren aldeko bidea nola ireki dezakeen nabarmendu nahi du. Hogeita hamabost euskal erakundek 60 jarduera baino gehiagoko programa zabala antolatu dute Emakumeak Zientzianen 9. edizioan.

Gaur goizean ITSASAMPLE erakusketa ireki dute, zeinak bisitariari aukera ematen baitio ezkutuko mundu batean murgiltzeko: gizakiaren begiek ikusi ezin dezaketen itsas unibertsoak bizia hartzen du nanoGUNEko mikroskopio elektronikoek ateratako organismo biologikoen irudi harrigarriekin.  ITSASAMPLE erakusketak Donostiako Aquariumeko askotariko itsas espezie eta organismoen irudi eder eta harrigarriak jasotzen ditu, ikusleei begiek ikusi ezin dutena erakusteko xedearekin. Erakusketak gaur ireki ditu ateak, eta azaroaren 9ra arte bisitatu ahalko da Donostiako Aquariumeko Nautilus aretoan.

150 pertsona baino gehiago elkartu dira Intxaurrondo Kultur Etxean Emakumeak Zientzian ekimenaren 8. edizioari hasiera emateko. Jai-giroan azpimarratu dute zientziaren eta teknologiaren alorreko pertsonak beren beharrak, grinak, konpromisoak eta zaletasunak dituztela. Gainera, zientzia eta teknologiaren alorreko zenbait pertsona protagonista dituen eta ekimenerako berariaz sortutako bideoa aurkeztu da, zientziaz haragoko bizitzan arreta jarriz.

Nerea Melgosa Berdintasun, Justizia eta Gizarte Politiketako sailburuak eta Miren Elgarresta Emakundeko zuzendariak, Txema Pitarke CIC nanoGUNEko zuzendariak eta Lorena Fernández Deustuko Unibertsitateko nortasun digitaleko zuzendariak lagunduta, nanoGUNEren egoitzan egin den prentsaurrekoan aurkeztu dute urriaren 23an eta 24an Donostiako Miramar Jauregian ospatuko den "Berdintasuna, Zientzia eta Teknologia paradigma aldaketa baten alde" Nazioarteko Kongresua. Iñigo Urkullu Lehendakariak inauguratuko duen kongresu honek nazioarteko adituak bilduko ditu zientziaren eta teknologiaren eremuan emakumeen eta gizonen arteko berdintasuna sistematikoki txertatzeko dauden genero-desberdintasunak eta arrakalak eta beharrezko eraldaketak jorratzeko.

Gaur arratsaldean, 200 pertsona inguru elkartu dira Intxaurrondo Kultur Etxean Emakumeak Zientzian ekimenaren 7. edizioari hasiera emateko, jai-giroan, Emakumeak Zientzian ekimenari atxikitako erakunde eta ikerketa-zentroetan lan egiten duten emakume zientzialari guztiak omentzeko. Helburua hau ikusaraztea da: “zientzia bada nesken kontua”. Gainera, zuzenean aurkeztu da ekimenerako berariaz sortutako himnoa, Janus Lester sortzailearen eta kausaren aliatuaren eskutik.